ub forum

Iraganeko programak

University-Business Foruma

Hurbiltasun fisikoa, aurrez aurreko komunikazio erregularra ahalbidetzen duena, ezagutza-trukerako, ikaskuntza interaktiborako, lankidetzarako eta berrikuntzarako beharrezkoa den konfiantza sortzen duen funtsezko faktorea da. Mugaz gaindiko lankidetzak eta elkarrekintzak ingurune ezin hobea dira berrikuntza-ekosistema aberatsak sortzeko; izan ere, arretaz kalibratutako orekari eusten diote, eta, bertan, berrikuntza-bazkideak antzekoak eta geografikoki hurbilak dira eraginkortasunez komunikatu ahal izateko, baina ezagutza berrien eramaile izateko bezain desberdinak. Unibertsitate-Enpresa

Foro Tematiko hau mugaz gaindiko unibertsitate- eta enpresa-lankidetzaren euroeskualde-ikuspegian oinarritzen da, mugako eskualdeen garapenerako estrategia bateratuen esparruan. Horretarako, "Euskadi - Nouvelle Aquitaine" euroeskualdeak elkarte arduratsu, iraunkor eta emankorren adibide nabariak eskain ditzake, unibertsitateek, enpresek, administrazio publikoko erakundeek eta, oro har, gizarteak parte hartzen duten ezagutza- eta berrikuntza-ekosistemak sustatzeko.

Informazio gehiago

Basque Diaspora Akademikoa

Euskadiko Diaspora Akademikoari buruzko I. Sinposioa izan zen mundu osoan barrena bizi ziren baina euskal jatorria zuten edo Euskadirekin erlazionatuta zeuden akademiko eta ikertzaileen nazioarteko sarearen oinarriak finkatzeko abiapuntua. Haren helburua izan zen kideen sustraiak sendotzea, baita elkarrentzat onuragarriak diren lankidetza harremanak sustatzea eta indartzea ere, ezagutza eta kidetza sentimendua partekatzen baita.

Informazio gehiago

Bizkaia Katedra

Euskampus Fundazioa Diputación Foral de Bizkaia/Bizkaiko Foru Aldundiaren (DFB/BFA) Bizkaia Katedra Programa zehazten aritu zen. Bizkaia Katedra programa DFB/BFAren programa multzo gisa sortu zen, unibertsitateek (bai Bizkaikoek, bai atzerrikoek) eta beste ezagutza zentro batzuek modu erabakigarrian, eraginkorrean eta eragingarrian lagun zezaten Bizkaia hobea izan zedin eta hobeto prestatuta egon zedin etorkizunari bermearekin aurre egiteko; horren harira, lehentasunezkotzat identifikatutako sei sektoreetan jarri zen batez ere arreta (automobilgintza, energia, aeronautika, zilar koloreko ekonomia, big data, eta Bilbao Plaza Financiera). Azken batean, Bizkaia Katedrak harreman estrategiko bat konfiguratu zuen DFB/BFAren eta unibertsitate eta ezagutza zentroen artean, Bizkaiko goi mailako hezkuntzako gaitasunak, gaitasun zientifiko eta teknologikoak eta berrikuntzakoak lehentasunezko sektore ekonomikoetarako aktibatzeko eta lerrokatzeko asmoz.

2017ko urrian, Bizkaia-BBK programaren lehenengo deialdia diseinatu eta egin zen, eta Bizkaia Katedra programaren lehenengo une garrantzitsua bihurtu zen. Ekimen berritzailea Bizkaian, BBK Fundazioarekin elkarlanean, gazteak munduan erreferentzia diren zentroetan trebatu eta, gero, Bizkaiko enpresa nagusietako batean kalitatezko lan kontratu batekin laneratzeko sortua.

Informazio gehiago

BBK Saretuz

BBK Saretuz entitate sozial eta kulturaletako langileentzako beken programa bat zen, Bizkaian talentua sustatu, sortu eta atxikitzera bideratua, eta gure erakunde sozial eta kulturalen inpaktu sozial eta kulturala maximizatzeko eta sareak indartzeko helburua zuena, baita lurraldeko ekonomia sozial eta solidarioa ere, azken batean, jarduera dibertsifikatu, eta lehiakortasuna areagotzeko.

Horretarako, gure entitate sozial eta kulturalen erronka transbertsal sorta bat identifikatu zen, prestakuntza bidez garatu zena:

  • Finantzaketa iturriak dibertsifikatzea
  • Programen inpaktu soziala bideratu eta komunikatzea
  • Eraldaketa digitala sustatzea
  • Gobernu onaren eta gardentasunaren alde egitea. Araudia eta barne kontrola betetzea (Compliance)