Euskampus Fundazioak proiektuetako teknikari bat kontratatu nahi du Basque Quantum (BasQ) ekimena bultzatzeko
Proiektu estrategikoen kudeaketa eta teknologia kuantikoak interesatzen zaizkizu? Euskampus Fundazioak lan-deialdia ireki du Basque Quantum (BasQ) ekimeneko Idazkaritza Teknikoan proiektuetako teknikari bat kontratatzeko. Eusko Jaurlaritzak sustatutako ekimen honen helburua Euskadi teknologia kuantikoen arloan nazioarteko erreferente bihurtzea da.
Hautatutako pertsona lankidetzan eta diziplina aniztasunean oinarritutako ingurune batean arituko da, euskal zientzia- eta teknologia-ekosistemako eragile nagusiekin harremanetan. Besteak beste, proiektuen plangintzan eta jarraipenean lagunduko du, adierazleak aztertuko ditu, ekosistemako eragileen arteko koordinazioan parte hartuko du eta jarduera estrategikoen garapenean lagunduko du.
Hautagaitzak aurkezteko azken eguna: 2026ko abenduaren 12a.
Interesa duten pertsonek lanpostuaren baldintza eta betekizun guztiak kontsultatu eta hautagaitza aurkez dezakete eskaintza osoaren bidez. Proiektu honetan parte hartu nahi duzu? Animatu eta zabaldu deialdia!
Irakurri eskaintza osoa hemen.
HARPIDETU NEWSKAMPUS-EAN
eta gure azken berriak posta elektronikoz jasoko dituzu